ការបង្កើតប្រយោជន៍របស់ផលិតកម្ម និងទីផ្សា

ក. ផលិតផលបង្កើតប្រយោជន៍នៃរូបរាង
​​​ ​           - ប្រយោជន៍នៃរូបរាង ( Form Utility ) គឺមានសមត្ថភាព ផលិតនូវផលិតផល ដែលអាច​បំពេញតំរូវការ របស់អតិថិជនបាន ។ សកម្មភាពផលិតកម្មបង្កើតប្រយោជន៍នៃទំរង់ ដោយធ្វើឱ្យ​ទំនិញ ឬសេវាកម្មអាចប្រើប្រាស់បានដោយមានទំនាក់ទំនងទៅនឹងតំរូវការដោយឡែកៗ នៃ​អតិ​ថិជន ។

ខ. ម៉ាឃីតធីង បង្កើតប្រយោជន៍នៃ ពេលវេលា ទីកន្លែង កម្មសិទ្ធ និងពត៍មាន ។
        ​​​​​​ ​​- ប្រយោជន៍នៃពេលវេលា( Time Utility ) ដើម្បីឱ្យផលិតផលនីមួយៗ មានតំលៃ មិនត្រឹមតែ​ផលិតផលទៅដល់ទីកន្លែងប៉ុណ្ណុុះទេ​ ថែមទាំងផលិតឱ្យទាន់ពេលវេលាផងដែរ ។
         - ប្រយោជន៍ទីកន្លែង ( Place Utility ) ជាតំលៃមួយដែលបន្ថែមលើការផលិត គឺការដឹកជញ្ជូន​​ពីកន្លែងផលិតទៅកន្លែងដែលមានតំរូវការ ។
         -​ ប្រយោជន៍នៃកម្មសិទ្ធ ( Possession Utility ) វាត្រូវបានកើតឡើងនៅពេលដែលអតិថិជន​ទិញផលិតផល ។ ផលិតផលមួយត្រូវតែមានសមត្ថភាពដែលអាចផ្លាស់ប្ដូរកម្មសិទ្ធបាន មុននឹង​កើតមានតំលៃ ។ ដូចនេះក្នុងនាមជាអាជីវករ សំខាន់ត្រូវដឹងថា​ ភាពជាកម្មសិទ្ធ គឺជាកត្តាសំខាន់​ដែលគ្រប់អតិថិជនតែងតែប្រាថ្នាចង់បាន ។
         - ប្រយោជន៍នៃព័ត៍មាន ( Information Utility ) គឺត្រូវផ្ដល់ព័ត៍មានដល់អតិថិជនអំពីផលិត​​ផលរបស់យើង ពុំនោះទេអតិថិជននឹងមិនដឹថា តើផលិតផលអ្វី? វាជាអ្វី?​ មានលក់នៅកន្លែងណា? ថ្លៃប៉ុន្មាន? ​នោះទេ​។