និយមន័យម៉ាឃីតធីង ( Definition)

 What is marketing?

ជុំវិញបញ្ញាថា តើម៉ាឃីតធីងជាអ្វី? គេអាចមានចំលើយច្រើនយ៉ាងដូចខាងក្រោម៖

+ The Chartered Institute Of Marketing បានកំណត់ថាៈ

​​​   ​​​   Marketing​ គឺជាដំណើរការនៃការគ្រប់គ្រង ដែលទទួលខុសត្រូវការកំណត់(Identifying) ប្រមើល៏មើល(Anticipating)​ និងការបំពេញតំរូវការ(Satisfying)​អតិថិជនដោយធានាឱ្យមានចំណេញ។

​​​​

+ និយមន័យរបស់គណកម្មការសហគម​ ​Marketing អាមេរិច

​​​​     Marketing គឺជាការអនុវត្តន៏សកម្មភាពអាជីវកម្ម ដែលមានការពាក់ព័ន្ឋដោយផ្ទាល់ដល់​ការដឹកជញ្ជូនទំនិញ​ និងសេវាកម្ម ពីផលិតករទៅអ្នកប្រើប្រាស់ ។

+ និយមន័យរបស់វិទ្យាស្ថាន​ ​Marketing​ អង្គគ្លេស់ៈ

​​​    Marketing​ គឺជាដំណើរការចាត់តាំង និងគ្រប់គ្រងសកម្មភាព ផលិតកម្ម អាជីវកម្ម គឺចាប់​តាំងពីការឃើញ និងបម្លែងកំលាំងទិញរបស់អ្នកប្រើប្រាស់ ទៅជាតំរូវការពិតប្រាកដ​នៃមុខ​ទំនិញជាក់ស្ដែងណាមួយនោះ ហើយឈានទៅដល់ការនាំផលិតផលនិងទំនិញនោះទៅដល់​អ្នកប្រើប្រាស់ចុងក្រោយ​ សំដៅមានប្រាក់ចំណេញដល់ក្រុហ៊ុនដូចបានគ្រោងទុក ។

+ និយមន័របស់ George Town University អាមេរិចៈ​

​    Marketing ​គឺរួមមានបណ្ដាសម្មភាពពាក់ព័ន្ឋដោយផ្ទាល់ដល់ ការកំណត់ទីផ្សារគោលដៅ ​(Target Marketing ​) ​ប្រុងប្រៀបរៀបចំ​ ( Preparing ) ទំនាក់ទំនងព័ត៌មាន និងបំពេញ​តំរូវការទីផ្សារនោះ ។